多謝爹爹聖誕禮物,開心過收到LV袋,應該同收到2.55差唔多開心(我估)
我諗其實隔住一道牆既你係會聽到我近幾晚都cry like a child,或者會聽到我第二朝鬧鐘響完半個鐘之後先拖住重甸甸既身體著住甩皮甩骨既睡衣/褸行出房,然後無論用凍水定暖水洗完面個樣都係腫到似豬頭,個眼袋紅又脹,然後唔知到底想唔想撈/想唔想活地o係梳化呆坐多半個鐘先沖奶飲/先換衫/先查lotion。

又湧起返生存既慾望太好。可能另外一個原因係因為見到你。
互數對方幾年前不是(即係唔送到我屋企樓下/阿拉麵館食個lunch又食左你二百幾蚊/去海洋公園甩底/甜品自助餐仲未請我食)幾好笑,果陣係第一次過覺得咁難過既日子,原來依家諗返超好笑。果陣大家超頹(感情上)同時好景(經濟上,都靠你d家底),一路睇touch(爛片!)一路伸手無計住計住咁狂質godiva入口(真係豪到咁! 睇touch焉食godiva!太大材小用!),好開心。但依家食碗雲吞面/坑腩面都要計住(係呀又食雲吞面喇頂),雖然最後唔知點解兩個人埋單都要成舊水,係咪被騙(開始數對方依家既不是)。

心情好,希望可以廷續到2010年。

辭職信已遞,
wish you have a prosperous future.
i really do.

"in love you win, even if you lose."

thanks for telling me this Paulo Coelho in my friday nights depression.
may sumone show me its true.
and also tell me,
if this world isnt fair at all, everything is fair in LOVE and WAR.

but i lost in love.
IM LOST IN LOVE.

find me, find me not.

每次食天使蛋糕,又名honey crunch chiffon cake, 都會唔開心
雖然我都搞唔清楚到底係唔開心先食定係食左先唔開心
但都姑且叫做 my honey crunch chiffon nights (個名好靚,但似夢遊仙境既sweet nights多過blue nights)

星期五夜晚瑟縮係名店坊starbucks 既一角,圍住我既有籌備緊婚禮幫朋友剪緊片既朋友,有paul con妹妹細聲講大聲笑gossipgossip,有專心溫緊CPA既師姐(又咁嗌人呀),有等緊食半價壽司既老朋友gathering,氣氛又warm又吵鬧。坐正喇叭下既我,雖然音響唔大但聖誕歌既一字一句我都聽得清楚。
窗口對正對面馬路地帶既大螢幕,不斷重複播緊劉欄王同郭皇后(唔係郭太后),突然覺得自己不知所謂。翔同晶明明超晒班對住對手係低呢廢條點解都會唔hea跑/跳,點解係會全力以赴跳到完美,呢d係咪就係運動員。屌吳紀欣明明知道對手強勁又勤力點解都可以放心俾自己hea每次過到骨就算做一條高不成低不就既廢條。如果人地係名店坊地下既水晶裝飾,我就只係o係coffee shop陪我瑟縮一角濫竽充數勉強點綴節日氣氛既廉價聖誕樹仔。望住果棵扮鋪左雪o係面其實似紫菜碎跌左落馬仔上面既樹仔,突然覺得有d同病相憐。望住街上面既男男女女,自己又毒又寒酸。一諗到咁,顴骨上面果粒久久不散既暗瘡竟然仲唔知攞景定贈興咁痕起上黎,shit。人人都拎住岩岩買返黎既聖誕禮物,我冇禮物需要買我冇書需要溫我冇朋友俾我賀結婚我冇close girl fds 陪我gossipgossip,心諗,其實都冇壞姐,起碼係我自己選擇既。無論點樣改變歷史,而如果吳紀欣既性格設定係咁,我都係會諗辦法揀返呢條路。given that 吳紀欣既意志係咁堅定的話。
呢個時候,職員姐姐定妹妹一聲不響就收走我尚餘大量honey crunch既碟,橫睇掂睇都係far from finish喎,乜我存在感真係低到似透明。應該gathering緊既老朋友影合照時攝埋我入鏡既人面對焦都對焦唔到我,我係咪死左。
“There’s nothing wrong with the blueberry pie. It’s just people make other choices.”
“You can’t blame the blueberry pie. It’s just... no one wants it."

dup低頭,用頭髮黎遮住自己側面,呢個係我十大最鍾意做既小動作榜首。因為冇人見到我個樣,突然間好想喊。其實唔想喊,只係因為冇人見到所以想做d冇人會知既小壞事。係呀,到左呢個年紀呢個身份(唔知係咩,im nothing)好似喊都係一種罪。煞有介事搵個人喊我d無謂sadness出黎太損人不利己,所以最後每次深夜嗌完人出黎想訴苦最後都會變左fun fact咁講比人知。何必要人分擔,反正我知我一開始就係錯。我只係記得人生第一次感動到喊係某一年某一日都係o係銅鑼灣收到一盒水晶仔。雖然連自己個樣都變到唔認得,但諗返起就好似係半年前既事。然後順住時序諗一路以黎自己行過既日子,男人女人女人女人女人女人男人男人女人,浮起太多人面,加上green tea frap d奶味令我又想喊又想嘔又窒息。記得上一次食天使蛋糕,點解會咁。咁樣落去一世都唔會得到幸福。我講緊你。其實都係講緊我自己。太辛苦。但再成日為呢件事困擾既話我應該乳can風險勁高(都係睇報紙講,但報紙又唔講下其實成日笑都對肝脾唔好)。make me happy, please,我唔想死。係唔係要學norah jones咁避了你至少幾千百公里,但我又覺得就算我返回原點趴o係coffee shop枱面訓著枱對面既jude law都唔會誇過黎錫我咀仔。不過,現實中又點會有jude law。
依然係dup低頭,想記得呢把頭髮下面曾經藏住過你既感覺。合埋眼某幾個地點某d轉角位既位置太瞭如指掌。明明好近好懷念但又想自己一世唔涉足可以記住當初既感覺。
如果一打開眼你就係我眼前。雖然今日係星期五。但就算見到我都唔會同你講d咩。我都唔知咩身份同你講d咩。

如果感覺仲係唔確定,可唔可以俾我一個人遠走高飛。當我再次返到黎既時候,希望果個人已經搬走左。而如果你都確定既話,希望到時我訓左著你可以彎過身來give me a kiss。

"i chose the longest way to cross the street.
it doesnt matter how you cross the street. whats matters is who is waiting for you on the other side.
goodbye doesnt always mean the end, sumtimes its a new begining."

何妨迷路看風光

我唔介意 when i looked up the window, i realised i was on the wrong side of the road.
最後發現最愛,最好。

testing testing
呢個係一個測試
從唔見左電話到依家呢兩個星期幾算起,計埋我得閒打下xanga like下paulo coelho facebook status,呢個世界應該大概有10個人係firm到我仲在生,而其中5個係我同事。

雖然不算活得很好很愉快,但的而且確實實在在的o係呢個地球上面站立著呼吸著。

我只係想知道要抹去一個人存在既痕跡可以有幾易同有幾徹底。係,雖然其實我要避既人一秒就刮到我出黎,或者從來冇諗過要搵我,或者其實我只係避緊吳紀欣本人。

係好易,只要唔回所有人sms 就已經練成左隱身術既一半,變成呢個世界上已經消失左但未察覺自己死左既幽靈/不速之嚇/鬼眼/檔案39 (頂呢類結局既戲可唔可以停一停)。所以哈利波特唔駛隱形斗篷狐忍想隱形都唔需要o徙卓羅,dump左手機就人人可變透明人魔。

係,我唔應該怨自己存在感不足,因為係自己唔想出現o係人前在先。但前幾日你話要離開我我諗,咁係咪我連同外界/人類唯一既連繫都要切斷,以後就再冇人知我近況,再冇人知我依然存在。然後到某一日o係條街度有人覺得我似曾相識,但scroll極手機電話簿都對照唔到我個名既朋友, 記憶/面目模糊性,嗯,咁你就可以幫自己拍一齣獨立製片既低成本版二十世紀少年喇。 留意我講緊既某一日可能只係半年後既某一日,因為報紙話成日上youtube會損害人既長期記憶/我話你貴人善忘吳紀欣係合該俾人放逐去記憶既暗角。

依賴一個人去幫我同外界溝通其實同寄生冇分別。
呢種方法係懦弱係危險,
但俾我隨時放心俾自己消失啦,反正都只限於呢半年。
反正呢半年限期仲有兩個星期左右就完,
反正一切都在倒數。